18.07.2026 | 15:40
Սպանությանն օժանդակող 2 ոստիկանները կալանավորվել են․ՔԿ
Հանկարծ Մուսալեռ չգնաք, գյուղացիները կարող է հարձակվեն ձեզ վրա․ Մանուկյանը՝ Աղազարյանին․ ՏԵՍԱՆՅՈՒԹ
Քաղաքականություն
14.11.2024 | 16:29
ԱԺ նիստում ՔՊ պատգամավոր Հովիկ Աղազարյանն արձագանքեց ընդդիմադիր պատգամավոր Արթուր Խաչատրյանի՝ իր մասին արած այն հայտարարությանը, թե կառավարության ձախողման դեպքում որպես նախկին դաշնակցականի մեղադրելու են Աղազարյանին։
Իշխանական պատգամավորն հայտարարեց, որ կառավարությունը չի ձախողի, իրեն էլ չեն դատապարտի, թիմակիցները նման բան թույլ չեն տա։
Ելույթի հնարավորություն խնդրեց Գեղամ Մանուկյանը։ Նա անդրադարձավ Աղազարյանի երեկվա ելույթին․ «Մենակ խնդրում եմ, հանկարծ Մուսալեռ, Մուսալեռ գյուղ չգնանք, կարող է գյուղացիները հարձակվեն Ձեզ վրա, ՊՊԾ-ն էլ չի օգնի, որովհետև Մուսալեռ գյուղը եղել է Կիլիկայում, մուսալեռցիների համար Մուսալեռը հայրենիք է եղել, էդ գյուղ չմտնեք»։
Հիշեցնենք, որ երեկ Հովիկ Աղազարյանն ասել էր․ «Երբ փոքր էի՝ «Կիլիկիա» երգը լսում էի, լացում էի, երբ մեծացա, հասկացա, որ անտեղի էներգիա եմ ծասխում, Կիլիկիան ուր, ես՝ ուր։ Կիլիկիան իմ հայրենիքը չէ»։
Մանրամասները՝ տեսանյութում։
