14.11.2024 | 23:29
ՀՀ էկոնոմիկայի փոխնախարարի գլխավորած պատվիրակությունն այցելել է Չաբահար նավահանգիստ
Ռեժիսոր Շախնազարովը Պուտինին պատմել է, որ «Մոսֆիլմ»-ն իր տանկերը տվել է բանակին
Քաղաքականություն
13.11.2024 | 21:44
«Մոսֆիլմ» կինոստուդիան անցյալ տարի մի քանի տասնյակ տանկ է նվիրաբերել ռուսական բանակին, հայտարարել է ստուդիայի ռեժիսոր Կարեն Շախնազարովը ՌԴ նախագահ Վլադիմիր Պուտինի հետ հանդիպմանը, որին մասնակցել են պետական լրատվամիջոցների ներկայացուցիչները, փոխանցում է BBC-ի ռուսական ծառայությունը։
«2023 թվականին մենք զինված ուժերին ենք փոխանցել 28 Տ-55 տանկ, 8 ՊՏ-76 տանկ, 6 հետևակի մարտական մեքենա և 8 տրակտոր, որոնք պահեստավորել էինք ռազմատեխնիկական բազայում։ Ես իմացա, որ անհրաժեշտություն կա, կապ հաստատեցի ՊՆ-ի հետ, նրանք վերցրեցին այդ մեքենաները»,- ասել է Շախնազարովը։
Այս դրվագի մասին մինչ օրս երբեք չի հաղորդվել, թեև կինոստուդիան և դրա ղեկավարությունը սովորաբար պատրաստ են ցուցադրել իրենց աջակցությունը Կրեմլի քաղաքականությանը, ներառյալ՝ ուկրաինական պատերազմին: Հայտնի է, որ լայնամասշտաբ պատերազմի ամբողջ ընթացքում ռուսական բանակը պահեստից մշտապես հանել է հին զրահամեքենաները։
Ըստ ՏԱՍՍ-ի՝ Պուտինը Շախնազարովի ելույթին արձագանքել է հետևյալ խոսքերով. «Մենք հպարտ ենք «Մոսֆիլմ»-ով»։
Թարգմանությունը՝ Տաթև Ֆռանգյանի
