30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ադրբեջանը, Ղազախստանը և Ուզբեկստանը կանաչ էներգիայի ոլորտում ռազմավարական գործընկերության համաձայնագիր են ստորագրել
Քաղաքականություն
13.11.2024 | 23:00
Ադրբեջանի, Ղազախստանի և Ուզբեկստանի նախագահներ Իլհամ Ալիևը, Կասիմ-Ժոմարտ Տոկաևն ու Շավքաթ Միրզիյոևն այսօր եռակողմ հանդիպում են անցկացրել Բաքվում COP29-ի շրջանակում։ Ադրբեջանական լրատվամիջոցների հաղորդմամբ՝ պետությունների ղեկավարները ստորագրել են «Կանաչ էներգիայի զարգացման և փոխանցման ոլորտում Ադրբեջանի Հանրապետության, Ղազախստանի Հանրապետության և Ուզբեկստանի Հանրապետության կառավարությունների միջև ռազմավարական գործընկերության մասին համաձայնագիրը»։
«Նախագիծը նաև կապվելու է Սև ծովի հատակի երկայնքով էներգետիկ մալուխին»,- ասել է Ալիևի օգնական Հիքմեթ Հաջիևը։
Բացի այդ՝ Ադրբեջանի, Ղազախստանի և Ուզբեկստանի ղեկավարների մասնակցությամբ տեղի է ունեցել «Ադրբեջանի Հանրապետության, Ղազախստանի Հանրապետության, Ուզբեկստանի Հանրապետության և Սաուդյան Արաբիայի Թագավորության էներգետիկայի նախարարությունների միջև գործադիր ծրագրի ստորագրման արարողությունը կանաչ էներգիայի զարգացման և փոխանցման ոլորտում համագործակցության մասին»։
Ստորագրման արարողությունից հետո երեք երկրների նախագահները հանդիպել են Սաուդյան Արաբիայի էներգետիկայի նախարար, արքայազն Աբդուլազիզ բեն Սալման Ալ-Սաուդի հետ։
Թարգմանությունը՝ Էմմա Չոբանյանի
