11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ՀԱՊԿ երկրների ՊՆ ներկայացուցիչները ռազմական անձնակազմի պատրաստվածության բարելավման հարց է քննարկել
Քաղաքականություն
12.11.2024 | 18:26
Հավաքական անվտանգության պայմանագրի կազմակերպության (ՀԱՊԿ) երկրների պաշտպանական գերատեսչությունների ռազմական կրթության կառավարման մարմինների ղեկավարներն Աստանայում քննարկել են զինվորականների համատեղ պատրաստման համակարգի կատարելագործման հարցերը։ Այս մասին ՏԱՍՍ-ին հայտնել է ՀԱՊԿ միացյալ շտաբի մամուլի քարտուղար Վլադիսլավ Շչեգրիկովիչը։
«Միջոցառման ընթացքում մտքերի հանգամանալից փոխանակում է տեղի ունեցել զինվորական անձնակազմի և մասնագետների վերապատրաստման կազմակերպման փորձի շուրջ։ Քննարկվել են ռազմաուսումնական հաստատությունների փոխգործակցությունը մեծացնելու առաջարկները։ Միջոցառման մասնակիցները մի շարք առաջարկներ են պատրաստել ՀԱՊԿ անդամ երկրների համար զինվորական անձնակազմի համատեղ պատրաստման համակարգի կատարելագործման համար»,- ասվում է հայտարարության մեջ։
Միջոցառմանը մասնակցել են Բելառուսի, Ղազախստանի, Ղրղզստանի, Ռուսաստանի, Տաջիկստանի պաշտպանական գերատեսչությունների ռազմական կրթության կառավարման մարմինների ղեկավարները, հիմնարար կրթական, մեթոդական և հետազոտական կազմակերպությունների ղեկավարները, ՀԱՊԿ միացյալ շտաբի մի խումբ սպաներ։
Թարգմանությունը՝ Տաթև Ֆռանգյանի
