05.06.2026 | 22:52
Միջազգային դիտորդների թիվը 1/3-ով ավելացել է
Եթե 100 մլն դոլար ունենայիք, որտե՞ղ ներդրում կանեիք․ Խաչատուր Սուքիասյանը՝ Ֆիննախին․ ՏԵՍԱՆՅՈՒԹ
Տնտեսություն
12.11.2024 | 14:09
«Եթե ունենայիք 100 մլն դոլարին համարժեք դրամ, ո՞ր ոլորտներում ներդրում կկատարեիք՝ որպես պետություն, և արդյո՞ք չեք ընդունում, որ ՀՆԱ-հարկեր հարաբերակցությունը նոր ինտերնետ դարում բավականին հնացած է, մենք չե՞նք կարողանում ՀՀ-ում ինժեներական ծավալը ներգրավել համախառն ներքին արդյունքին»,- ԱԺ-ում 2025 թ-ի բյուջեի քննարկման ժամանակ Ֆինանսների նախարար Վահե Հովհաննիսյանին հարց ուղղեց «Քաղաքացիական պայմանագիր» խմբակցության պատգամավոր Խաչատուր Սուքիասյանը:
Իշխանական պատգամավորը նախարարից նաև հետքրքրվեց, թե թոշակառուների ո՞ր մասը բացի իր թոշակից, ունի նաև աշխատանք:
Հարցին Վահե Հովհաննիսյանը պատասխանեց․ «Բյուջեի մեր առաջարկած տարբերակով առաջին հարցին արդեն պատասխանել ենք: Մենք ներդնում ենք երկու հիմնական ոլորտներում՝ անվտանգություն և դպրոցաշինություն՝ կրթության համակարգ:
Բնականաբար, չենք մոռանում այն բոլոր հարցերը, որոնք պետք է արվեն: Ինչ վերաբերում է ՏՏ ոլորտի կողմից ՀՀ-ում արժեք ստեղծելուն, ապա դա վիճակագրական ծառայության արդյունքն է, ու այստեղ ունենք բարեփոխումների օրակարգ: Թոշակառուների հետ կապված այս պահին տեղեկատվություն չունեմ ձեռքիս տակ, բայց կարող ենք ճշտել և հաղորդել Ձեզ»:
Մանրամասները՝ տեսանյութում։
