02.04.2026 | 23:17
Պարսից ծոցի երկրները քննարկում են խողովակաշարերի կառուցման հարցը՝ Հորմուզի նեղուցով նավթ չմատակարարելու համար. FT
Ձերբակալվել են Կենտրոնի թաղապետարանի աշխատակիցներ
Հասարակություն
12.11.2024 | 12:53
Իրավապահ մարմիններն այսօր գործողություններ են իրականացել Կենտրոն վարչական շրջանի աշխատակազմի առևտրի և սպասարկումների բաժնում։ Այս մասին ֆեյսբուքում հայտնել է քաղաքապետի մամուլի խոսնակ Հայկ Կոստանյանը։
«Ըստ այդմ, կան ձերբակալվածներ»,- գրել է Կոստնյանը՝ առանց հայտնելու, թե որն է ձերբակալությունների պատճառը։
Կենտրոն վարչական շրջանի ղեկավար Պետրոս Պետոյանը Factor.am-ի հետ զրույցում չասաց, թե ովքեր են ձերբակալվածները և ինչ պաշտոն են զբաղեցնում նրանք։
Հստակեցնող հարցին՝ ձերբակալվածներն ի՞ր, թե՞ նախկին թաղապետի նշանակած կադրերն են, Պետոյանը պատասխանեց․ «Բոլորը մեր կադրերն են, մեկը հունիսին էր միացել, մյուսները վաղուցվա աշխատակիցներին էին։ Գործի հետ կապված շատ բան չենք կարող բացահայտել»։
Վարչական շրջանի ղեկավարը հավելեց նաև, որ իրավապահներն արդեն հեռացել են շենքից։
Արփի Հակոբյան
