Քաղաքականություն
11.11.2024 | 17:21
ՄԱԿ-ի գլխավոր քարտուղար Անտոնիո Գուտերեշը ժամանել է Ադրբեջան՝ մասնակցելու Կլիմայի փոփոխության մասին ՄԱԿ-ի շրջանակային կոնվենցիայի (COP29) Կողմերի համաժողովի 29-րդ նստաշրջանին։
Ադրբեջանական լրատվամիջոցների հաղորդմամբ՝ Բաքվի Հեյդար Ալիևի անվան միջազգային օդանավակայանում նրան դիմավորել են Ադրբեջանի աշխատանքի և սոցիալական պաշտպանության հարցերի նախարար Սահիլ Բաբաևը, պաշտոնատար այլ անձինք։
Կլիմայական համաժողովին մասնակցելու համար նախօրեից Բաքու են այցելում տարբեր երկրների ներկայացուցիչներ։ Ադրբեջանական ԶԼՄ-ները փոխանցում են, որ COP29-ին մասնակցելու համար Ադրբեջան են ժամանել նաև Սերբիայի նախագահ Ալեքսանդր Վուչիչը, Բելառուսի նախագահ Ալեքսանդր Լուկաշենկոն, Սլովակիայի նախագահ Պետեր Պելեգրինին։
Նոյեմբերի 12-13-ը տեղի է ունենալու առաջնորդների գագաթնաժողովը։
Թարգմանությունը՝ Էմմա Չոբանյանի
