23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Կիևին նախապես չեն զգուշացրել Թրամփի և Պուտինի ենթադրյալ զրույցի մասին. Ուկրաինայի ԱԳՆ
Քաղաքականություն
11.11.2024 | 14:59
Կիևը նախապես տեղեկացված չի եղել ԱՄՆ նորընտիր նախագահ Դոնալդ Թրամփի և ՌԴ նախագահ Վլադիմիր Պուտինի հեռախոսազրույցի մասին։ Այս մասին Reuters-ին ասել է Ուկրաինայի ԱԳՆ ներկայացուցիչ Գեորգի Տիխին։
«Տեղեկություններն այն մասին, որ ուկրաինական կողմը նախապես տեղեկացված է եղել ենթադրյալ զանգի մասին, սուտ են, հետևաբար, Ուկրաինան չի կարող հավանություն տալ կամ դեմ լինել այդ զանգին»,- նշել է նա։
Ավելի վաղ The Washington Post-ը, վկայակոչելով իրազեկ աղբյուրներին, հայտնել էր, որ ԱՄՆ նորընտիր նախագահ Դոնալդ Թրամփն անցյալ հինգշաբթի հեռախոսով խոսել է ՌԴ նախագահ Պուտինի հետ․ նրանք քննարկել են Ուկրաինայի պատերազմը։
Ըստ աղբյուրի՝ զրույցի ընթացքում Թրամփը, իբր, հորդորել է Պուտինին միջոցներ ձեռնարկել հետագա էսկալացիայից խուսափելու համար, ինչպես նաև հիշեցրել է «Եվրոպայում Վաշինգտոնի նշանակալի ռազմական ներկայության մասին»։
Հավելենք, որ Կրեմլի խոսնակ Դմիտրի Պեսկովը հերքել է Թրամփ-Պուտին հեռախոսազրույցի մասին ամերիկյան պարբերականի տեղեկությունը՝ այն կեղծ որակելով։
Թարգմանությունը՝ Տաթև Ֆռանգյանի
