14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԵՄ-ն կշարունակի Ուկրաինայի զինված ուժերի վարժական առաքելությունը
Քաղաքականություն
08.11.2024 | 21:44
Եվրամիությունը երկարաձգել է կազմակերպության ռազմական առաքելությունն Ուկրաինայում (EUMAM Ukraine) ևս երկու տարով և լրացուցիչ միջոցներ է հատկացրել դրա գործունեությանն աջակցելու համար։ Այս մասին ասվում է ԵՄ խորհրդի կայքում հրապարակված հաղորդագրությունում։
Նշվում է, որ ռազմական առաքելությունն այժմ կգործի մինչև 2026 թվականի նոյեմբերի 15-ը՝ մոտ 409 միլիոն եվրո բյուջեով։
«Մինչ օրս EUMAM Ukraine-ն ուսուցանել է Ուկրաինայի Զինված ուժերի 63 հազար զինծառայողի, որը համապատասխանում է տասը բրիգադի։ Առաջիկա ամիսներին առաքելությունը կպատրաստի լրացուցիչ 15,000 զինծառայողի՝ 2024/25թթ. ձմռան վերջում վերապատրաստված զինվորների ընդհանուր թիվը հասցնելով 75,000-ի»,- ասվում է հաղորդագրության մեջ։
Հիշեցնենք, որ EUMAM առաքելությունը ստեղծվել է 2022 թվականի հոկտեմբերին՝ աջակցելու ուկրաինացի զինվորականների վերապատրաստմանը։ Առաքելության շրջանակում զորավարժությունները շարունակվում են հիմնականում Լեհաստանում և Գերմանիայում։
Թարգմանությունը՝ Տաթև Ֆռանգյանի
