25.08.2026 | 23:30
Ծանրորդ Հարություն Ավետիսյանը` պատանիների Եվրոպայի առաջնության բրոնզե մեդալակիր
ՊԵԿ-ը բացահայտել է շուրջ 1,3 մլրդ դրամի ստվերային շրջանառության դեպք
Հասարակություն
05.11.2024 | 10:58
ՀՀ ՊԵԿ-Ը բացահայտել է շուրջ 1,3 մլրդ դրամի ստվերային շրջանառության դեպք։
Մասնավորապես, տեղեկություններ էին ստացվել առ այն, որ Երևանի Սեբաստիա փողոցում գործող կենցաղային սարքավորումների և էլեկտրատեխնիկայի առևտուր իրականացնող ընկերությունը վաճառված ապրանքների դիմաց վերցնում է կանխիկ գումար և չի տրամադրում ՀԴՄ կտրոն` այս կերպ խուսափելով առանձնապես խոշոր չափերով հարկեր վճարելուց։
Փաստական տվյալներ են ձեռք բերվել այն մասին, որ 2021-2024 թվականների ընթացքում ընկերության կողմից թաքցվել է շուրջ 1,3 մլրդ դրամի իրացման շրջանառություն։
«Ձեռքբերված փաստական տվյալների հիմքով՝ կատարվել է պետությանը պատճառված վնասի նախնական հաշվարկ, ըստ որի՝ պետությանը պատճառվել է շուրջ 337 մլն դրամի վնաս։ Դեպքի առթիվ հաղորդում է ներկայացվել ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչություն, որտեղ նախաձեռնվել է քրեական վարույթ։ Նախաձեռնված վարույթի շրջանակում կատարվել են խուզարկություններ, առգրավվել են քրեական վարույթի համար կարևոր նշանակություն ունեցող փաստաթղթեր, համակարգիչներ և էլեկտրոնային կրիչներ»,- ասված է ՊԵԿ-ի տարածած հաղորդագրությունում։
