Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ

Վճարովի բովանդակություն

Այսօր պաշտոնապես իր դռները բացեց «Լույսեր» բնակելի համալիրը՝ նոր չափանիշներ սահմանելով քաղաքային բնակության համար։ «Լույսերը» միավորում է հարմարավետությունն ու բնությունը։ Մոտ մեկ հեկտար կանաչապատ բակ, հանգստի գոտիներ, խաղադաշտեր ու սպորտային հրապարակներ՝ ամեն ինչ բնակիչների հանգստի, ակտիվ կյանքի ու առողջ ապրելակերպի համար։

Բնակելի համալիր կառուցելու գաղափարը ծնվել է մի խումբ գործարարների մոտ։ Եվ այսօր՝ հինգ տարի անց, այն արդեն իրականություն է․ 2019-ին հիմնադրված «Լույսեր» ՓԲԸ-ն ներկայացնում է 12,000 քառակուսի մետր  ընդհանուր մակերեսով եզակի համալիր։ Չնայած համավարակին ու պատերազմի դժվարություններին, Արմսվիսբանկի ֆինանսական աջակցությամբ, «Ստորակետ» ճարտարապետական արվեստանոցի և D&S Construction ընկերության հետ համատեղ ջանքերի արդյունքում 2020-ին մեկնարկեց համալիրի շինարարությունը։

«Լույսեր» ընկերության համար առաջնահերթություններից մեկը եղել է պահպանել շենքերի արտաքին տեսքը։ Էներգաարդյունավետ 4 շենքերը կառուցված են ժամանակակից տեխնոլոգիական լուծումներով, որոնք ունեն յուրահատուկ ֆասադային լուծումներ, մասնավորապես՝ օդորակիչների և ջեռուցման սարքերի արտաքին բլոկների համար նախատեսված են առանձին տարածքներ և պահոցներ, որոնք թաքցնում են տեխնիկական սարքավորումները՝ պահպանելով շենքի էսթետիկ տեսքը:

430 բնակարան և շուրջ մեկ հեկտար տարածքով բակային միջավայր։ «Լույսեր» բնակելի համալիրում տնկվել են 140 ծառեր և 1500 թփեր՝ ստեղծելով բարենպաստ միկրոկլիմա, իսկ բնակարանների պատշգամբներում տեղադրվել են ավելի քան 1000 ծաղկամաններ, որպեսզի բնակիչների կողմից տնկվող բույսերը կյանք հաղորդեն մշակված «շենք-այգիներ» կոնցեպտին։

«Լույսեր» համալիրը նաև ներառում է տարբեր ենթակառուցվածքներ՝ սուպերմարկետից մինչև գեղեցկության սրահ։ Հանգստի տարածքները, ջրային գոտիներն ու զրուցարանները   ստեղծում են հաճելի մթնոլորտ հանգստի և շփման համար։ Բնակիչների անվտանգությունն ապահովված է 24/7 տեսահսկմամբ և հակահրդեհային համակարգերով։ Ավտոկայանատեղիներում տեղադրված է մեքենաների համարանիշների ճանաչման համակարգ։ Շնեքերը հարմարեցված են սահմանափակ շարժունակություն ունեցող անձանց։

Ի դեպ, մոտ 40 բնակարան այս պահին դեռ չունի սեփականատեր․ դու ևս կարող ես «Լույսեր» բնակելի համալիրի մաս կազմել՝ luyser.am կայքում ծանոթանալով հատակագծերին և արժեքներին։ 

Մանրամասները՝ տեսանյութում։

Արփի Հակոբյան