14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Շվեդիան դադարեցնում է համագործակցությունը Վրաստանի հետ
Քաղաքականություն
29.10.2024 | 13:06
Շվեդիան դադարեցնում է համագործակցությունը Վրաստանի հետ պետական մարմինների մակարդակով, հայտնում է Sweden Herald-ը։
Շվեդիայի զարգացման համագործակցության և արտաքին առևտրի նախարար Բենջամին Դոուսի գրավոր մեկնաբանությունում նշվում է, որ Վրաստանում զարգացումները «վաղուց տագնապալի էին», իսկ հոկտեմբերի 26-ի խորհրդարանական ընտրություններում միջազգային դիտորդների կողմից արձանագրված խախտումները հաստատում են դա։
Նշվում է, որ «ռուսամետ իշխող «Վրացական երազանք» կուսակցությունը հաղթել է վիճելի խորհրդարանական ընտրություններում, որոնց լեգիտիմությունը կասկածի տակ է դնում ընդդիմությունը և միջազգային դիտորդները»։
Պաշտոնյան պնդում է, որ «երկրի քաղաքացիական հասարակությանն իր ժողովրդավարական դերի կատարումը խափանելու փորձերը, այդ թվում՝ սահմանափակող օրենսդրության միջոցով, հակասում են ԵՄ նորմերին և արժեքներին»:
«Այդ պատճառով կառավարությունը դադարեցնում է շվեդ-վրացական ուղիղ համագործակցությունը, որը դեռ շարունակվում էր, այդ թվում՝ Վրաստանի հարկային վարչության հետ»,- ասել է նա։
Թարգմանությունը՝ Տաթև Ֆռանգյանի
