08.10.2026 | 17:35
Եվրախորհրդարանում կոչ են արել փակել ԵՄ տարածքում գործող բոլոր «Ռուսական տները»
Գազայում հրադադարի շուրջ բանակցությունները շարունակվում են. Նեթանյահուի գրասենյակ
Քաղաքականություն
28.10.2024 | 20:53
Գազայի հատվածում հրադադարի և Դոհայում պաղեստինյան ՀԱՄԱՍ շարժման կողմից պատանդների փոխանակման շուրջ բանակցությունները շարունակվում են և կտևեն առնվազն մինչև վաղը։ «ՌԻԱ Նովոստի»-ին այս մասին ասել է Իսրայելի վարչապետ Բենիամին Նեթանյահուի գրասենյակի խորհրդական Դմիտրի Գենդելմանը։
Կիրակի Իսրայելի հետախուզական Mossad-ի ղեկավար Դեյվիդ Բարնեան մեկնել է Կատարի մայրաքաղաք՝ քննարկելու Գազայի հատվածի վերաբերյալ գործարքի հնարավոր տարբերակները ԱՄՆ Կենտրոնական հետախուզական գործակալության (ԿՀՎ) ղեկավար Ուիլյամ Բըրնսի և Կատարի վարչապետի Մուհամմեդ բեն Աբդերահման Ալ-Թանի հետ։
«Բանակցությունները Դոհայում շարունակվում են, Դեյվիդ Բարնեան առնվազն մինչև վաղը կմնա Կատարում»,- ասել է Գենդելմանը։
Գազայի հատվածում իրավիճակը կարգավորելու համար միջնորդների միջոցով բանակցությունները փակուղում են արդեն մի քանի ամիս։ Նեթանյահուի կառավարությունն ու ՀԱՄԱՍ-ը մեղադրել են միմյանց պայմանավորվածությունները կանխամտածված խափանելու և գործարքի գնալ չցանկանալու մեջ։ Հաշվի առնելով ՀԱՄԱՍ-ի քաղբյուրոյի ղեկավար Յահյա Սինվարի սպանությունը, որն Իսրայելում համարվում էր համաձայնագրի կնքման գլխավոր խոչընդոտողը, իսրայելցի շատ քաղաքական գործիչներ սկսեցին խոսել պատանդներին ազատ արձակելու «հնարավորությունների պատուհանի» մասին։
Թարգմանությունը՝ Տաթև Ֆռանգյանի
