25.10.2024 | 23:30
X-ն արգելափակել է Թուրքիայում վտարանդի թուրք լրագրողների և ակտիվիստների ավելի քան 100 օգտահաշիվների մուտքը
Նախագահի հրամանագրերով դեսպաններ են հետ կանչվել և նոր դեսպաններ նշանակվել
Քաղաքականություն
25.10.2024 | 21:35
ՀՀ նախագահը հրամանագրեր է ստորագրել, ըստ որոնց՝ Անդրանիկ Հովհաննիսյանը հետ է կանչվել Շվեյցարիայի Համադաշնությունում Հայաստանի Հանրապետության արտակարգ և լիազոր դեսպանի ու Ժնևի Միավորված ազգերի կազմակերպության գրասենյակում և այլ միջազգային կազմակերպություններում Հայաստանի Հանրապետության մշտական ներկայացուցչի պաշտոններից և նշանակվել Ավստրիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վիեննա)։
Հասմիկ Տոլմաջյանը հետ է կանչվել Ֆրանսիայի Հանրապետությունում և Մոնակոյի Իշխանությունում Հայաստանի Հանրապետության արտակարգ և լիազոր դեսպանի պաշտոնից և նշանակվել Ժնևի Միավորված ազգերի կազմակերպության գրասենյակում և այլ միջազգային կազմակերպություններում Հայաստանի Հանրապետության մշտական ներկայացուցիչ (նստավայրը՝ Ժնև):
Արման Խաչատրյանը հետ է կանչվել Եվրոպայի խորհրդում Հայաստանի Հանրապետության մշտական ներկայացուցչի պաշտոնից և նշանակվել Ֆրանսիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Փարիզ)։
