30.04.2026 | 21:27
Այսօրվա փաստաթղթի ստորագրումը նշանակալի քայլ է գյուղական զարգացման ամրապնդման ճանապարհին. Պապոյան
Զելենսկին մերժել է ՄԱԿ-ի գլխավոր քարտուղարի այցը Կիև՝ Կազանում ԲՐԻԿՍ-ի գագաթնաժողովին նրա մասնակցության պատճառով
Քաղաքականություն
25.10.2024 | 17:15
Ուկրաինայի նախագահ Վլադիմիր Զելենսկին մերժել է ՄԱԿ-ի գլխավոր քարտուղար Անտոնիո Գուտերեշի այցը Կիև՝ կապված Ռուսաստանում կազմակերպված ԲՐԻԿՍ-ի գագաթնաժողովին նրա մասնակցության հետ։ Այս մասին AFP-ին հայտնել է Ուկրաինայի նախագահականի բարձրաստիճան աղբյուրը։
Կազանում անցկացված ԲՐԻԿՍ-ի գագաթնաժողովում Գուտերեշը կոչ է արել «արդար խաղաղություն» հաստատել Ուկրաինայում՝ ելույթ ունենալով ՌԴ նախագահ Վլադիմիր Պուտինի առջև, նաև հորդորելով դադարեցնել ավելի քան երկու տարվա պատերազմը:
«Կազանից հետո [Գուտերեշը] ցանկացել է գալ Ուկրաինա, սակայն նախագահը չի հաստատել նրա այցը։ Այնպես որ՝ Գուտերեշն այստեղ չի լինի, մասնավորապես, Կազանում ողջախոհության և միջազգային իրավունքի նվաստացման պատճառով»,- ասել է գործակալության աղբյուրը։
Կազանում Պուտինի հետ բանակցությունների ժամանակ Անտոնիո Գուտերեշը կրկնել է, որ «Ռուսաստանի ներխուժումն Ուկրաինա հակասում է ՄԱԿ-ի կանոնադրությանը և միջազգային իրավունքին»։
Այս երկկողմ բանակցություններից առաջ Ուկրաինայի արտաքին գործերի նախարարությունը քննադատել էր Կազան այցելելու՝ Գուտերեշի որոշումը՝ հիշեցնելով, որ նա չի մասնակցել հունիսին Շվեյցարիայում Ուկրաինայի կողմից կազմակերպված խաղաղության գագաթնաժողովին:
«Սա սխալ ընտրություն է, որը չի նպաստում խաղաղությանը: Այն միայն վնաս է հասցնում ՄԱԿ-ի հեղինակությանը»,- ասվում է Կիևի հայտարարության մեջ:
Թարգմանությունը՝ էմմա Չոբանյանի
