05.04.2026 | 17:21
Կալինինգրադում առևտրի կենտրոնում բռնկված հրդեհի տարածքը հասել է 1000 քառակուսի մետրի
Քյարամյանին, Սասուն Խաչատրյանին, հնարավոր է, օրենքով ամեն տարի կանչեն ԱԺ
Քաղաքականություն
24.10.2024 | 13:22
ՔՊ-ական պատգամավորները իրավապահ կառույցի ղեկավարներին ԱԺ կանչելու օրենդրական նախաձեռնությամբ են հանդես եկել։
ՀՀ քննչական կոմիտեն և մի շարք այլ գերատեսչություններ, որոնք տարեկան հաշվետվություն չեն ներկայացնում ՀՀ Ազգային ժողով, չի բացառվում, որ օրենսդրական համապատասխան փոփոխություններից հետո պարտավորված լինեն անել դա:
Ազգային ժողովի կանոնակարգ օրենքում նման փոփոխությունների առաջարկով հանդես են եկել ԱԺ նախագահ Ալեն Սիմոնյանը, ՔՊ-կան պատգամավորներ Սիսակ Գաբրիելյանը և Արսեն Թորոսյանը:
Պատգամավորների առաջարկն ընդունվեց ՀՀ կառավարության այսօրվա նիստի ժամանակ։ Այն կներկայացվի ԱԺ` քննարկման և վավերացման։
Այժմ խորհրդարանում իր գործունեության մասին տարեկան հաշվետվությունը ներկայացնում է ՀՀ կառավարությունը․ գործադիր մարմնի կազմում չընդգրկված մի շարք գերատեսչություններ չեն ներկայացնում հաշվետվություն: Դրանց թվում են ՀՀ Քննչական կոմիտեն, Հակակոռուպցիոն կոմիտեն, Կոռուպցիայի կանխարգելման հանձնաժողովը։
Առաջարկվում է այդ մարմինների ղեկավարներին, ինչպես նախարարներին, հրավիրել ԱԺ տարեկան հաշվետվությունների։
Նարեկ Կիրակոսյան
