12.03.2026 | 15:10
Անկախության հռչակագիրը Սահմանադրությունից կհանվի // Ցեղասպանության թանգարանի տնօրենը հեռացվել է Փաշինյանի հրահանգով․ ԼՈՒՐԵՐ
75 մլն դրամ՝ տեղեկատվական և հեռահաղորդակցման նոր համակարգի համար․ ՀՀ նախագահի գնումը
23.10.2024 | 17:20
ՀՀ նախագահի աշխատակազմը հոկտեմբերի 22-ին 74 մլն 994 հազար դրամով նոր տեղեկատվական և հեռահաղորդակցման համակարգ է գնել։ Հայտարարված էլեկտրոնային աճուրդը 1 մասնակից է ունեցել՝ «Արթ-Գրուպ» ՍՊԸ, որն էլ հաղթել է մրցույթը՝ առաջարկելով նախապես սահմանված 75 մլն դրամ գնման գնից 5964.96 դրամով պակաս գին։
Այս գումարով ընկերությունն իրականացնելու է ՀՀ նախագահի վարչական շենքի և հարակից տարածքների հին մալուխների, վարդակների, պլաստիկ մալուխատարերի ապամոնտաժում և նոր համակարգի մոնտաժում, 3 ամիս սպասարկում և նախագահի աշխատակազմի ՏՏ ստորաբաժանման առնվազն 2 աշխատակցի վերապատրաստում։
«Արթ-Գրուպ» ընկերությունը հիմնադրվել է 2020 թ-ի դեկտեմբերին, զբաղվում է շինարարական գործունեությամբ։ Սեփականատերը, ըստ պետռեգիստրի, Դավիթ Աբովյանն է։
Նախագահի աշխատակազմը վերջերս նաև հակավիրուսային համակարգչային ծրագրային փաթեթներ է գնել։ Այս դեպքում՝ առանց մրցույթի՝ մեկ անձով կատարված գնման արժեքը 990 հազար դրամ է։ Պայմանագիրը կնքվել է այս տարվա փետրվարին ստեղծված «Մոդերն Սոլուշնս» ՍՊԸ-ի հետ։ Դրա հիմնադիրը Կարինե Գևորգյանն է։
Գայանե Խաչատրյան
