08.10.2026 | 17:52
Եվրախորհրդարանը կոչ է անում պատժամիջոցներ սահմանել Իրանում, Վրաստանում և Ադրբեջանում բռնաճնշումների պատասխանատուների նկատմամբ
«Հըզբոլլահ»-ը ֆինանսները թաքցրել է Լիբանանի հիվանդանոցներից մեկի շենքի տակ. Իսրայելի ՊԲ
Քաղաքականություն
22.10.2024 | 15:24
Լիբանանյան «Հըզբոլլահ» շարժումը հարյուր միլիոնավոր դոլարների կանխիկ գումար և ոսկի է թաքցրել Բեյրութի հիվանդանոցի տակ գտնվող բունկերում: Այս մասին հայտնել են Reuters-ը և dpa-ն՝ վկայակոչելով Իսրայելի բանակի խոսնակ Դանիել Հագարիին։
Նա Լիբանանի կառավարությանը և միջազգային կազմակերպություններին կոչ է արել թույլ չտալ, որ «Հըզբոլլահ»-ն այդ միջոցներն օգտագործի ահաբեկչության և Իսրայելի դեմ հարձակումների համար: Ըստ Հագարիի՝ խոսքը Բեյրութի հարավում գտնվող «Սահել» կլինիկայի մասին է։
Միաժամանակ, իսրայելցի պաշտոնյան հայտնել է, որ Իսրայելը մտադիր չէ հարձակվել հիվանդանոցի վրա։
«Ուզում եմ ընդգծել՝ մենք պատերազմական վիճակում չենք լիբանանցիների հետ»,- նշել է նա։
Լիբանանի հեռուստատեսությունը հայտնել է հիվանդանոցի անձնակազմի և հիվանդների տարհանման մասին՝ որպես նախազգուշական միջոց:
Իր հերթին, կլինիկայի տնօրեն Ֆադի Ալամեն Իսրայելին մեղադրել է զրպարտության մեջ և կոչ է արել լիբանանյան բանակին մտնել հիվանդանոց և հաստատել, որ այնտեղ միայն հիվանդներ, վիրահատարաններ, դիահերձարան և հիվանդասենյակներ են։
Թարգմանությունը՝ Տաթև Ֆռանգյանի
