08.11.2026 | 17:07
Ադրբեջանի պաշտպանության նախարարը կորոնավիրուսով է վարակվել
ՌԴ-ի դավաճանությունը մեծացրեց ԵՄ-ին միանալու կողմնակիցների թիվը․ բայց նրա գործակալական ցանցը հզոր է, կարող է խանգարել․ Նարինե Մկրտչյան․ ՏԵՍԱՆՅՈՒԹ
Քաղաքականություն
21.10.2024 | 20:00
Միջազգային հանրապետական ինստիտուտի (IRI) հարցման համաձայն՝ Հայաստանի քաղաքացիների 58%-ը կողմ կքվեարկի Եվրամիությանը միանալու հանրաքվեի դեպքում, դեմ կքվեարկի ընդամենը 13%-ը, չի քվեարկի 25%-ը, չի կարող ասել՝ 3%-ը։ Հարցումը սեպտեմբերին է արվել և հրապարակվել օրերս։
Մամուլի ազգային ակումբի նախագահ Նարինե Մկրտչյանին Factor TV-ի հետ զրույցում հարց ուղղեցինք, թե ինչպե՞ս է գնահատում այս տվյալները, ի՞նչ պատճառներ կան, որ հայաստանյան հանրությունը ԵՄ-ին անդամակցելու գաղափարին կողմ է՝ ըստ այս հարցման։
«ՌԴ-ի դավաճանական պահվածքը մեծացրեց ԵՄ-ին միանալու կողմնակիցների թիվը, 2020-ի պատերազմում ադրբեջանա-թուրքական տանդեմի մասնակից էր։ Խաղադրույքը չափազանց մեծ է, ԵՄ-ին անդամակցելը ՀՀ-ի համար կարևոր է, հանրաքվեի տապալումը կվտանգի ԵՄ-ին հետագա անդամակցությունը։ Ռուսական գործակալական ցանցը հզոր է ՀՀ-ում, հայաստանցիների զգալի մասը դրա ազդեցության տակ է։ Դա կարող է խանգարել, և ՀՀ-ի իշխանության նկատմամբ վստահությունն է շատ ցածր, որ եթե այս հարցը դրվի հանրաքվեի, ապա հասարակության զգալի հատված կարող է սա ընկալել իշխանության հանդեպ վստահության հանրաքվե, նրան քվե տալու հարց, և կարող է դեմ քվեարկել հանրաքվեին և տապալվի այն։ Հայաստանի նավը ռուսական ջրերում է լողում, չնայած՝ նոր վտանգներ են կուտակվել ՀՀ-ի գլխին, վտանգներով և հնարավորություններով լի ժամանակներ են, բայց չենք օգտվում այս գեոպոլիտիկ փոփոխություններից։ Մեր այլընտրանքը ոչ թե ՌԴ-ն կամ Թուրքիան են, այլ Եվրոպա գնալով՝ ՀՀ-ն մրցունակ և առաջադեմ կդառնա, սակայն դա անել հաշվարկված՝ ոչ թե ցայտնոտի, էյֆորիայի մեջ, որ չհուսալքվի ՀՀ հանրությունը։ Հայաստանը Եվրոպա պիտի գնա՝ ոչ թե ի հեճուկս ՌԴ-ի, այլ՝ քանի որ ՀՀ-ի քաղաքական ապագան ԵՄ-ին անդամակցելը պիտի լինի»,- նշեց նա։
Հարցազրույցն ամբողջությամբ՝ տեսանյութում։
Ռոբերտ Անանյան
