16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՀՀ-ն ներկայացնող Իրինա Զախարովան չի կարողանա մասնակցել «Միսս Տիեզերք 2024» մրցույթին
Հասարակություն
21.10.2024 | 11:06
«Միսս Տիեզերք Արմենիա» ընտրված Իրինա Զախարովան չի կարողանա մասնակցել «Միսս Տիեզերք» մրցույթին, այս մասին նշված է Miss Universe Armenia-ի ինստագրամյան էջում:
«Ցավոք պետք է տեղեկացնենք, որ «Միսս Տիեզերք Արմենիա» մրցույթի հաղթող Իրինա Զախարովան չի կարողանա մեկնել Մեխիկո մասնակցելու «Միսս Տիեզերք» մրցույթին:
Մենք երկար նախապատրաստական փուլ ենք անցել եւ յուրաքանչյուրս վճռական էր լավագույնս ներկայանալու: Այնուամենայնիվ, ընտանեկան հանգամանքների պատճառով Իրինան ստիպված էր դժվարին որոշում կայացնել՝ հրաժարվելով մրցույթին մասնակցությունից:
Շնորհակալ ենք բոլորին՝ այս դժվարին շրջանում աջակցության եւ հասկանալու համար: Իրինան շատերի համար ոգեշնչման աղբյուր է, եւ վստահ ենք՝ առջեւում նա շատ հնարավորություններ կունենա»,- ասված է հայտարարությունում։
Ավելի վաղ հայտնել էինք, որ «Միսս տիեզերք» մրցույթում այս տարի Հայաստանը պետք է ներկայացներ ազգությամբ ռուս 31-ամյա Իրինա Զախարովան: Ընդ որում, ընտրական մրցույթն անցկացվել էր ոչ թե Հայաստանում, այլ Ռուսաստանում՝ Մոսկվայում: Այս փաստը բուռն քննարկումների առիթ էր տվել սոցցանցերի հայկական տիրույթում։ Ինչպե՞ս է ստացվել, որ ընտրական փուլը չի անցկացվել Հայաստանում, ինչպես դա սովորաբար արվել է նախորդ տարիներին։ Պարզվում է՝ այս անգամ «Միսս տիեզերք Արմենիա»-ի անցկացման իրավունքը ձեռք է բերել ռուսաստանցի Յուլյա Պավլիկովան: Արդյո՞ք մեր երկրում չկային գեղեցկուհիներ, որոնք իրենց տվյալներով համապատասխանում են «Միսս տիեզերքի» պահանջներին։
Նշենք․ որ «Միսս Տիեզերք 2024»-ն անցկացվելու է Մեխիկոյում՝ նոյեմբերի 16-ին:
