16.11.2024 | 13:49
Վանաձորում ձին ընկել է դիտահորը
Մանկապղծության դեպքերի բացահայտում՝ Գերմանիայի Կաթոլիկ եկեղեցում
Հասարակություն
13.09.2018 | 18:21
Գերմանիայի Կաթոլիկ եկեղեցու վերաբերյալ նոր զեկույցը հայտնում է 3766 մանկապղծության դեպքի մասին, որը տեղի է ունեցել 1946-2014 թվականներին, տեղեկացնում է CNN-ը՝ հղում տալով Die Zeit և Spiegel Online կայքերին:
Զեկույցը, որը հանձնարարվել է Գերմանիայի Եպիսկոպոսական ժողովի կողմից և իրականացվել Գիսենի, Հեյդելբերգի և Մանհեյմի համալսարանների կողմից, տևել է 4 տարի, և վերջնական տեսքով կհրապարակվի սեպտեմբերի 25-ին:
Համաձայն երկու կայքերի հրապարակումների՝ մանկապղծության հիմնական զոհերը եղել են տղաներ, որոնցից առավել քան կեսը՝ 13 տարեկանից փոքր: Յուրաքանչյուր վեցերորդ դեպքը եղել է բռնաբարություն, որտեղ 1670 հոգևորական է եղել ներգրավված: «Մենք գիտենք սեռական ոտնձգությունների չափը և ամաչում ենք դրա համար»,- ասել է Եպիսկոպոս Ստեֆան Ակերմանը CNN-ին տված գրավոր հարցազրույցի ժամանակ:
Նա նաև նշել է, որ հետաքննության հիմնական նպատակը եղել է «եկեղեցու այս մութ պատմության մեջ պարզություն ու թափանցիկություն մտցնելը, հանուն նրանց, ովքեր տուժել են:
