22.11.2024 | 09:36
ՀՀ տարածքում ավտոճանապարհներն անցանելի են
ՌԴ-ն Ուկրաինային 501 զինվորի դի է փոխանցել
Քաղաքականություն
18.10.2024 | 18:41
Ուկրաինան հայրենիք է վերադարձրել 501 զինվորի դի, հայտարարել է Ուկրաինայի ռազմագերիների հետ վերաբերմունքի հարցերով համակարգող կենտրոնը, փոխանցում է BBC-ի ռուսական ծառայությունը։
Կենտրոնից հայտնել են, որ այդ զինվորներից 382-ը, ում մարմինները հայրենադարձվել են, մահացել են Ավդեևկայի ուղղությամբ, 56-ը՝ Բախմուտի, 45-ը՝ Մարինսկի, 7-ը՝ Լուգանսկի, 6-ը՝ Ուգլեդարի, 4-ը՝ Զապորոժիեի ուղղությամբ։ Եվս մեկ դի վերադարձվել է Ռուսաստանում գտնվող դիահերձարանից։
«Ուկրաինայի զինված ուժերը հայրենադարձված մարմինները և մասունքները կտեղափոխեն նշանակված պետական հաստատություններ։ Իրավապահները և դատաբժշկական փորձագետները կբացահայտեն զոհերի ինքնությունը։ Նույնականացումից հետո մեր պաշտպանների մարմինները կհանձնվեն նրանց ընտանիքներին՝ արժանապատիվ հուղարկավորության համար»,- հայտնում են կենտրոնից։
Համակարգող կենտրոնը չի հստակեցրել՝ արդյո՞ք դիերը վերադարձվել են Ռուսաստանի հետ փոխանակման արդյունքում։ Այս մասին ռուսական կողմը դեռևս ոչինչ չի հայտարարել։
Թարգմանությունը՝ Տաթև Ֆռանգյանի
