15.12.2025 | 13:20
Իշխանությունը ԵՄ-ից գումարներ է «քերում» ընդդիմադիրներին պախարակելու համար. Գառնիկ Դանիելյան․ ՏԵՍԱՆՅՈՒԹ
Գազայում պարենի պաշարները մեկուկես շաբաթից կսպառվեն. ՄԱԿ
Քաղաքականություն
17.10.2024 | 15:16
Պաղեստինյան տարածքներում ՄԱԿ-ի Պարենի համաշխարհային ծրագրի (ՊՀԾ) կողմից Գազայի հատվածի բնակիչներին մատակարարվող պարենամթերքը կսպառվի մեկուկես շաբաթից, Financial Times-ին ասել է կազմակերպության տնօրեն Անտուան Ռենարը:
«Մենք բավարար սնունդ չունենք, եթե ավելի շատ սնունդ չստանանք ու չկարողանանք ընդունել, ունենք մեկ կամ մեկուկես շաբաթ, երբ կկարողանանք շարունակել տաք սնունդ տրամադրել։ Ինչ վերաբերում է ցորենի ալյուրին, ապա առավելագույնը մեկ շաբաթ կարող ենք շարունակել մատակարարումները»,- ասել է նա։
Ըստ Ռենարի՝ Գազայի հատված մտնող սննդամթերքի քանակը բավարար չէ բնակչությանը կերակրելու համար։ Բացի այդ, իրավիճակն անկլավում, որն առանց այն էլ աղետալի է, կտրուկ վատթարացել է վերջին օրերին, քանի որ Իսրայելը նոր լայնածավալ հարձակում է սկսել այդ տարածքում և երկու շաբաթ թույլ չի տվել ՄԱԿ-ին որևէ օգնություն ցուցաբերել։
Թարգմանությունը՝ Տաթև Ֆռանգյանի
