25.11.2024 | 14:54
Հնդկաստանը Pinaka համակարգերի առաջին խմբաքանակն է մատակարարել Հայաստանին․ ԶԼՄ
Ադրբեջանի բանակում ստեղծվել է նոր ստորաբաժանում
Քաղաքականություն
15.10.2024 | 17:35
Ադրբեջանի բանակում ստեղծվել է նոր՝ «ինտելեկտուալ շնորհալի զինծառայողների» ստորաբաժանում։ Այս մասին հայտնում են ադրբեջանական լրատվամիջոցները՝ վկայակոչելով ՊՆ-ին։
«Կրթության ոլորտում աչքի ընկած տաղանդավոր երիտասարդների գիտելիքներն ու հմտություններն առավել արդյունավետ օգտագործելու, ինչպես նաև նրանց կարիերայի աճը խթանելու նպատակով ՊՆ-ում ներդրվում է զինվորական ծառայության նոր հայեցակարգ։
Ըստ նոր հայեցակարգի՝ զինծառայություն անցնող ինտելեկտուալ մեծ կարողություններով զորակոչիկները զորակոչային պատրաստության ծրագիրն ավարտելուց հետո զինվորական ծառայությունը կշարունակեն հատուկ պայմաններում ստորաբաժանումներում՝ ստեղծված Պաշտպանության ազգային համալսարանի կազմում՝ նպատակ ունենալով նրանց ներգրավել իրենց մասնագիտություններին համապատասխան տարբեր նախագծերում և միջոցառումներում»,- ասված է հաղորդագրության մեջ։
Ինտելեկտուալ շնորհալի զինծառայողների նոր ստորաբաժանումներում կծառայեն բուհական ընդունելության քննություններում 600 և ավելի միավոր վաստակած ժամկետային զինծառայողները, ինչպես նաև միջազգային վարկանիշում 500-ից ոչ ցածր տեղ զբաղեցնող օտարերկրյա բուհերի շրջանավարտները։
Թարգմանությունը՝ Էմմա Չոբանյանի
