21.02.2026 | 20:00
Ինչպես է Հայաստանն առաջին անգամ ստացել UWW-ի մրցաշար անցկացնելու հնարավորություն․ զրույց Վլադիմիր Հովհաննիսյանի հետ
Պուտինն առաջին անգամ հանդիպել է Իրանի նորընտիր նախագահին
Քաղաքականություն
11.10.2024 | 15:09
Թուրքմենստանի մայրաքաղաք Աշխաբադում մեկնարկել են ՌԴ նախագահ Վլադիմիր Պուտինի և Իրանի նախագահ Մասուդ Փեզեշքիանի բանակցությունները։ Սա նրանց առաջին դեմ առ դեմ հանդիպումն է այն բանից հետո, երբ Փեզեշքիանը հուլիսին ստանձնել է երկրի ղեկավարումը, փոխանցում է Korrespondent-ը։
Ռուսական կողմից բանակցություններին մասնակցում են փոխվարչապետ Ալեքսեյ Օվերչուկը, նախագահի օգնական Յուրի Ուշակովը, Կրեմլի խոսնակ Դմիտրի Պեսկովը և փոխարտգործնախարար Միխայիլ Գալուզինը։
«Մենք ակտիվորեն համագործակցում ենք միջազգային ասպարեզում, և մեր գնահատականներն աշխարհի ընթացիկ իրադարձությունների վերաբերյալ հաճախ շատ մոտ են»,- ասել է Վլադիմիր Պուտինը Մասուդ Փեզեշքիան հետ հանդիպմանը։
Աշխաբադում «Ժամանակների և քաղաքակրթությունների փոխհարաբերությունները» ֆորումի շրջանակում Պուտինը զրուցել է նաև Պակիստանի նախագահ Ասիֆ Ալի Զարդարիի հետ։
«Նրանք պաշտոնական այցեր կատարելու փոխադարձ հրավերներով են փոխանակվել, համապատասխանաբար, Ռուսաստան և Պակիստան այցելելու համար»,- լրագրողներին ասել է ՌԴ նախագահի մամուլի քարտուղար Դմիտրի Պեսկովը։
Դրանից հետո Պուտինը զրուցել է Թուրքիայի խորհրդարանի նախագահ Նուման Քուրթուլմուշի հետ։ Դմիտրի Պեսկովի փոխանցմամբ՝ Պուտինն ասել է, որ մեկ շաբաթից ակնկալում է երկկողմ հանդիպում ունենալ Թուրքիայի նախագահ Ռեջեփ Թայիփ Էրդողանի հետ Կազանում՝ BRICS-ի գագաթնաժողովի շրջանակում։
Թարգմանությունը՝ Տաթև Ֆռանգյանի
