30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Իրանը սպառնում է հարվածել Մերձավոր Արևելքում ԱՄՆ դաշնակիցներին, եթե հարձակման ենթարկվի. WSJ
Քաղաքականություն
11.10.2024 | 15:56
Իրանի իշխանությունները գաղտնի դիվանագիտական ուղիներով սպառնացել են հարվածել ԱՄՆ դաշնակիցներին Մերձավոր Արևելքում, եթե նրանց տարածքը կամ օդային տարածքն օգտագործվի Իրանի վրա հարձակվելու համար, գրում է The Wall Street Journal-ը (WSJ):
Թեհրանը նախազգուշացումներ է ուղարկել Հորդանանին, ԱՄԷ-ին, Սաուդյան Արաբիային և Կատարին։ Այս բոլոր երկրները, ըստ WSJ-ի, արդեն տեղեկացրել են Վաշինգտոնին, որ իրենք չեն ցանկանում ռազմական ենթակառուցվածք կամ օդային տարածք տրամադրել ԱՄՆ-ին և Իսրայելին՝ Իրանի վրա հարձակումների համար:
Հոկտեմբերի 1-ին Իրանն ավելի քան 180 բալիստիկ հրթիռ է արձակել Իսրայելի ուղղությամբ՝ դա որակելով որպես պատասխան լիբանանյան «Հըզբոլլահ»-ի գլխավոր քարտուղար Հասան Նասրալլայի սպանության։ Լրատվամիջոցները գրել են, որ Իսրայելի իշխանությունները, ի պատասխան Իրանի հարվածների, դիտարկում են նաև Թեհրանի միջուկային օբյեկտների վրա հարձակումը:
Ըստ The New York Times-ի՝ Իսրայելի պատասխան հարվածի ամենահավանական թիրախը լինելու են իրանական ռազմակայանները: Թեհրանը սպառնում է ավելի կործանարար հարվածով, որը կարող է խաթարել հրեական պետության էներգետիկ ենթակառուցվածքը։
Թարգմանությունը՝ Տաթև Ֆռանգյանի
