05.05.2025 | 23:29
Թուրքիայի գլխավոր ընդդիմադիր կուսակցության ղեկավարը հարձակման է ենթարկվել. հարձակվողը ձերբակալվել է
Շուտով ծրագրավորման ոլորտում մինչև 70 % գործազրկություն կլինի․ Հայկ Ասլանյան․ ՏԵՍԱՆՅՈՒԹ
Տնտեսություն
10.10.2024 | 18:30
Մեծ շանսեր ունենք կարճ ժամանակում տիեզերական բնագավառում դառնալ աշխարհի գերտերություններից մեկը․ Factor TV-ի հետ զրույցում նման կարծիք հայտնեց «Հայկական տիեզերական ֆորում»-ի հիմնադիր, Բարձր տեխնոլոգիական արդյունաբերության նախարարի նախկին խորհրդական Հայկ Ասլանյանը։
«Հայաստանի ամենամեծ արժեքներից մեկը տեխնոլոգիական համայնքն ու պայծառ ուղեղներն են, որ աշխարհին այս պահին պետք են»,- ասաց Ասլանյանը՝ նշելով, որ «Հայաստանը, երևի, միակ երկիրն է, որի մարդիկ աշխատում են աշխարհի բոլոր տիեզերական գործակալություններում ու խոշոր ընկերություններում»։
«Եթե մենք ստեղծենք աշխատանքային դաշտ և խնդիրներ ունենանք ձևակերպված, շատերը պատրաստակամորեն կօգնեն, որ հենց Հայաստանում զարգացնեն արդյունաբերությունը»,- համուզմունք հայտնեց նա։
Խոսելով WCIT 2024-ի փակման արարողության ժամանակ SpaceX-ի և Tesla-ի գործադիր տնօրեն Իլոն Մասկի անունից ընթերցված ուղերձից, որում ասվում էր, որ ուրախ է Starlink-ը Հայաստան բերելու և տեղի տեխնոլոգիական համայնքի հետ որոշ հետաքրքիր նախագծերի վրա աշխատելու կապակցությամբ, նշեց․ «Starlink-ի ալեհավաքները շատ վաղուց Հայաստանում աշխատում են։ Եթե ուրիշ երկրում ակտիվացնեք, բերեք այստեղ՝ շատ հանգիստ կաշխատեն։ Ուրիշ հարց է, որ Հայաստանը այդ հաճախականությունների բաշխման տիրույթը պաշտոնապես հաստատի, որ թույլատրում է, որ այստեղ նույնպես ակտիվացնեն անտենաները»։
Անդրադառնալով արհեստական բանականության՝ արագ տեմպերով զարգանալուն՝ Հայկ Ասլանյանը կանխատեսեց, որ աշխարհում շուտով ծրագրավորման ոլորտում մինչև 70 % գործազրկություն կլինի։
Մանրամասները՝ տեսանյութում։
Անահիտ Խաչատրյան
