11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
Հարիսն իր քարոզարշավի ընթացքում ռեկորդային տեմպերով 1 միլիարդ դոլար է հավաքել. NYT
Քաղաքականություն
10.10.2024 | 14:16
Դեմոկրատական կուսակցությունից ԱՄՆ նախագահի թեկնածու Քամալա Հարիսը երեք ամսից պակաս ժամանակահատվածում հավաքել է ավելի քան 1 միլիարդ դոլար իր նախընտրական արշավի ընթացքում, գրում է The New York Times (NYT)՝ վկայակոչելով երեք աղբյուրներ։
Ըստ NYT-ի՝ ԱՄՆ-ի պատմության մեջ նախագահի ոչ մի թեկնածու նախկինում այդքան կարճ ժամանակահատվածում նման գումար չի հավաքել։
Հարիսի հավաքած գումարն ավելին է, քան նրա հանրապետական հակառակորդ Դոնալդ Թրամփին հաջողվել է հավաքել ամբողջ 2024 թվականին, նշում է պարբերականը։ Պաշտոնական հայտարարություններից ստացված գնահատականների համաձայն՝ Թրամփը հավաքել է շուրջ 853 միլիոն դոլար։
Աղբյուրի տվյալներով՝ Քամալա Հարիսի հավաքած գումարը ներառում է կուսակցական կոմիտեներից, այդ թվում՝ Դեմոկրատական ազգային կոմիտեի միջոցները նրա քարոզարշավի համար։ Դրանք հիմնականում ծախսվում են հեռուստատեսային և առցանց գովազդի, ինչպես նաև կուսակցության գրասենյակների ու աշխատակիցների աշխատավարձի համար։
Քարոզարշավի պատասխանատուները հրաժարվել են NYT-ին մեկնաբանություն տալ։
Դեմոկրատական կուսակցությունը դեռևս պաշտոնապես չի հայտարարել, թե սեպտեմբերին որքան գումար է հավաքել։ Պարբերականը ենթադրում է, որ դա պայմանավորված է դեմոկրատների մտահոգությամբ, ովքեր կարծում են, որ չափից դուրս պարծենկոտությունը կարող է նվազեցնել նվիրատվությունների նկատմամբ հետաքրքրությունը։
Թարգմանությունը՝ Տաթև Ֆռանգյանի
