09.10.2024 | 20:09
Իմ անձնական կարծիքը կմնա ինձ․ Զախարովան՝ ՀՀ-ի կողմից ԱՊՀ համաձայնագրերը չստորագրելու մասին․ ՏԵՍԱՆՅՈՒԹ
Ռամշտայն բազայում Ուկրաինայի դաշնակիցների հանդիպումը կհետաձգվի
Քաղաքականություն
09.10.2024 | 14:56
Գերմանիայի Ռամշտայն ավիաբազայում Ուկրաինայի դաշնակիցների հանդիպումը, որը պետք է տեղի ունենար հոկտեմբերի 12-ին, կհետաձգվի՝ ԱՄՆ նախագահ Ջո Բայդենի ներկայությունն ապահովելու համար։ BBC-ի ռուսական ծառայության փոխանցմամբ՝ այս մասին գրում է գերմանական Spiegel-ը։
Բայդենն ավելի վաղ ստիպված էր եղել հետաձգել այցը Գերմանիա՝ «Միլթոն» փոթորկի պատճառով, որը մոտենում է ԱՄՆ Ֆլորիդա նահանգի ափերին։
Գերմանիա կատարած այցի ընթացքում Բայդենը նախատեսում էր քննարկել Ուկրաինային աջակցությունը Գերմանիայի կանցլեր Օլաֆ Շոլցի, Ֆրանսիայի նախագահ Էմանուել Մակրոնի, Մեծ Բրիտանիայի վարչապետ Քիր Սթարմերի և Ուկրաինայի նախագահ Վլադիմիր Զելենսկիի հետ։
Թարգմանությունը՝ Տաթև Ֆռանգյանի
