09.09.2026 | 18:00
«Հովանավորել են ծառահատումները»․ հայտնի է՝ ինչու է Հակակոռուպցիոնը մտել էկոպարեկային ծառայություն
Կրեմլում մեկնարկել է ԱՊՀ երկրների ղեկավարների գագաթնաժողովը
Քաղաքականություն
08.10.2024 | 17:25
Կրեմլում ընթանում է ԱՊՀ անդամ երկրների ղեկավարների խորհրդի նիստը՝ ՌԴ ղեկավար Վլադիմիր Պուտինի նախագահությամբ։ Պետությունների ղեկավարները նեղ կազմով կքննարկեն մի շարք հարցեր, ապա հանդիպմանը կմիանան պատվիրակությունների անդամները, հայտնում է Կրեմլի մամուլի ծառայությունը։
Կազմակերպության գործադիր կոմիտեում հայտնել են, որ Համագործակցության երկրների ղեկավարները կքննարկեն ընթացիկ տարածաշրջանային և միջազգային խնդիրները, կարծիքներ կփոխանակեն 2025 թվականի համար երկրների միջև փոխգործակցության հիմնական հարցերի շուրջ։
Խորհրդի նիստի մասնակիցները կամփոփեն ԱՊՀ-ում Ռուսաստանի նախագահության արդյունքները և այն կփոխանցեն Տաջիկստանին։
Ռուսաստանի Դաշնության նախագահի օգնական Յուրի Ուշակովը նշել է, որ բանակցություններն ընթանալու են ազատ քննարկման ռեժիմով. մասնակիցները կկարողանան բարձրաձայնել իրենց հուզող հարցերը։ Նախատեսվում է բազմակողմ փաստաթղթեր ստորագրել սոցիալ-տնտեսական, մշակութային, հումանիտար, իրավապահ, պաշտպանական ոլորտներում համագործակցության ընդլայնման վերաբերյալ։
Խորհրդի նիստից առաջ Վլադիմիր Պուտինը մի քանի երկկողմ հանդիպումներ է ունեցել, այդ թվում՝ Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հետ։ Բանակցությունների հիմնական թեման Բաքվի և Երևանի միջև հարաբերությունների կարգավորման հարցն է եղել։
Թարգմանությունը՝ Տաթև Ֆռանգյանի
