30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Բողոքի պատճառ դարձած Ակներ-Սանահին ավտոճանապարհի նեղ հատվածը կլայնացվի
Տնտեսություն
08.10.2024 | 15:59
Լոռու մարզի Ակներ-Սանահին ավտոճանապարհի 400 մետր երկարությամբ նեղ հատվածի ասֆալտապատումը կլայնացվի։ Տեղեկությունը Factor.am-ին փոխանցեցին Ալավերդու համայնքապետարանից։ Թե երբ կմեկնարկեն աշխատանքները, համայնքապետարանից հստակ ասել չեն կարող։ Ալավերդի-Սանահին-Ակներ 10 կիլոմետրանոց ճանապարհահատվածը կառուցվում է Կառավարության ֆինանսավորմամբ «Ճանապարհային դեպարտամենտ» հիմնադրամի կողմից։
Մեկ ամիս առաջ Factor.am-ը հայտնել էր, որ Ակներ գյուղ տանող ճանապարհի 400 մետր երկարությամբ հատվածը կառուցվել է 4 մետր լայնությամբ, այն դեպքում, երբ սկզբում նախատեսված է եղել 6 մետր։ Դժգոհ բնակիչները խնդրի առնչությամբ ահազանգել էին մեզ՝ նշելով, որ ճանապարհով երթևեկելը վտանգավոր է, քանի որ նեղ հատվածում միաժամանակ երկու մեքենայի հայտնվելը վթարային իրավիճակներ է ստեղծում։ ՏԿԵ նախարարությունից փոխանցել էին, որ Ալավերդի համայնքի ղեկավարի որոշմամբ նախագծում փոփոխություն է կատարվել և ճանապարհը նեղացվել է։
Համայնքի ղեկավար Դավիթ Ղումաշյանն էլ նախագծի փոփոխության պատճառը կապել էր ճանապարհի որոշ հատվածներում հարակից հողերի սեփականատերերի անհամաձայնությունների հետ։
