22.11.2024 | 12:57
Կուրսկի շրջանում ուկրաինական հարվածի հետևանքով ԿԺԴՀ բանակի գեներալ է վիրավորվել.WSJ
Փաշինյանը նշել է Երևանի ու Մոսկվայի միջև վերջին ամիսների ակտիվ երկխոսությունը․ ՏԵՍԱՆՅՈՒԹ
Քաղաքականություն
08.10.2024 | 15:34
Հայաստանի վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հանդիպմանը հայտարարել է Երևանի և Մոսկվայի միջև վերջին ամիսների ակտիվ քաղաքական երկխոսության մասին։
«Վերջին ամիսների ընթացքում մենք ունեցել ենք բավականին ակտիվ քաղաքական երկխոսություն, փոխվարչապետ Օվերչուկն է ժամանել Երևան, տեղի է ունեցել ոչ միայն միջկառավարական հանձնաժողովի նիստը, այլ նաև բավականին մանրամասն մենք խոսել ենք փաստացի մեր օրակարգի բոլոր հարցերի շուրջ:
Հոկտեմբերի սկզբին Երևանում տեղի է ունեցել Եվրասիական միջկառավարական խորհրդի նիստը, որի շրջանակում բավականին մանրամասն քննարկել ենք մեր համագործակցությանը վերաբերող հարցեր Ռուսաստանի Դաշնության Կառավարության նախագահ Միխայիլ Վլադիմիրի Միշուստինի հետ: Եվ այսօր էլ, իհարկե, լավ հնարավորություն է ի մի բերել այդ քննարկումները և ուրախ եմ այդ հնարավորության համար»,- ասել է Փաշինյանը։
Հիշեցնենք, որ Պուտին-Փաշինյան հանդիպումը տեղի է ունենում ԱՊՀ գագաթնաժողովի շրջանակում։ Բանակցություններում նախատեսվում է քննարկել Բաքվի ու Երևանի միջև հարաբերությունների կարգավորման հարցը։
Այսօր ավելի վաղ ՌԴ նախագահն առանձին հանդիպում է ունեցել իր ադրբեջանցի գործընկեր Իլհամ Ալիևի հետ։ Եռակողմ հանդիպում չի նախատեսվում։
Թարգմանությունը՝ Տաթև Ֆռանգյանի
