09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Էրդողանը Պուտինին ծննդյան օրվա առթիվ հատուկ նվեր է ուղարկել
Քաղաքականություն
08.10.2024 | 17:45
Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինին հատուկ ծննդյան օրվա առթիվ նվեր է ուղարկել։ ՌԻԱ Նովոստիի փոխանցմամբ՝ այս մասին հայտարարել է ՌԴ նախագահի օգնական Յուրի Ուշակովը։
«Թուրքիայի նախագահը երեկ իր զրույցից առաջ հատուկ նվեր է ուղարկել»,- ասել է Ուշակովը՝ նշելով, որ դա «լավ թուրքական նվեր է», սակայն չի հստակեցրել՝ ինչ։
Միաժամանակ, պատասխանելով հարցին՝ արդյո՞ք այդ նվերը պետական ծառայողների համար թույլատրված երեք հազար ռուբլու սահմաններում է, Ուշակովն ասել է, որ նվերն արժեցել է «մի փոքր ավելի»։
Ուրիշ ինչ է ստացել Պուտինը ծննդյան օրվա կապակցությամբ հարցին էլ Կրեմլի ներկայացուցիչը պատասխանել է՝ «նվերներ եղել են»։
Նախօրեին Թուրքիայի նախագահ Ռեջեփ Թայիփ Էրդողանը զանգահարել էր Վլադիմիր Պուտինին և շնորհավորել ծննդյան օրվա առթիվ։ Կողմերը նաև երկկողմ ու միջազգային հարցեր են քննարկել։
Թարգմանությունը՝ Էմմա Չոբանյանի
