15.12.2025 | 19:13
Լուվրը ժամանակավորապես փակ է․ աշխատակիցները գործադուլ են սկսել
Ֆրանսիայի ՊՆ-ն հայտնել է, որ 2025թ․ սկզբին Ուկրաինան Mirage 2000 կործանիչներ կստանա
Քաղաքականություն
08.10.2024 | 16:11
Ֆրանսիական Mirage 2000-5 բազմաթիրախային կործանիչների մատակարարումները Կիևին նախատեսվում են 2025 թվականի առաջին եռամսյակում։ Այս մասին X սոցիալական ցանցում գրառմամբ հայտնել է Ֆրանսիայի պաշտպանության նախարար Սեբաստիան Լըկորնյուն, փոխանցում է BBC-ի ռուսական ծառայությունը։
Նա նշել է, որ Կազոյի և Ժիրոնդի գործարաններում ինքնաթիռները կհամալրվեն ռադիոէլեկտրոնային պատերազմի սարքավորումներով և «օդ-երկիր» հրթիռներով:
«Ուկրաինացի օդաչուների ու մեխանիկների պատրաստումը շարունակվում է»,- նշել է ֆրանսիացի պաշտոնյան։
Այն, որ ֆրանսիական Mirage-2000-5 կործանիչները կդառնան մարտական ինքնաթիռի երկրորդ մոդելը, որն Ուկրաինան ստանալու է իր արևմտյան դաշնակիցներից, հայտնի էր դարձել հունիսին։
Mirage 2000-5 F-ը 1980-ականների կործանիչների արդիականացված տարբերակն է: Այն ստացել է կատարելագործված ռադար, նոր ավիոնիկա և օդաչուական խցիկ՝ թվային դիսփլեյներով։ Այն ունակ է տանել մինչև 6,3 տոննա օգտակար բեռ։
Թարգմանությունը՝ Էմմա Չոբանյանի
