22.11.2024 | 12:44
Հունաստանում ՀՀ դեսպանը հանդես է եկել «Հայաստանի անվտանգային միջավայրն այսօր» թեմայով դասախոսությամբ
Հարիսը հայտարարել է, որ առանց Կիևի մասնակցության չի բանակցի Պուտինի հետ
Քաղաքականություն
08.10.2024 | 13:00
Դեմոկրատական կուսակցությունից ԱՄՆ նախագահի թեկնածու Քամալա Հարիսը հայտարարել է, որ որպես պետության ղեկավար՝ չի հանդիպի ՌԴ նախագահ Վլադիմիր Պուտինի հետ առանց ուկրաինական կողմի մասնակցության՝ Ուկրաինայում պատերազմի ավարտի շուրջ բանակցելու համար, գրում է Current time-ը։
«Ո՛չ երկկողմ ձևաչափով՝ առանց Ուկրաինայի։ Ուկրաինան պետք է երկրի ապագայի վերաբերյալ ձայնի իրավունք ունենա»,-ասել է Հարիսը CBS-ին տված հարցազրույցում։
Պատասխանելով հարցին՝ կաջակցի՞, արդյոք, ՆԱՏՕ-ին Ուկրաինայի անդամակցությանը, Հարիսը դա անվանել է թեմա, որը կբարձրացվի, «եթե բանը հասնի դրան»։ Նա նաև հայտարարել է, որ եթե իր հանրապետական մրցակից Դոնալդ Թրամփը լիներ նախագահ, ապա «Պուտինը հիմա նստած կլիներ Կիևում»։
Սեպտեմբերին կայացած բանավեճում Թրամփը հայտարարել էր, որ կավարտի Ուկրաինայում պատերազմը՝ հենց ստանձնի պաշտոնը։
«Եկեք պարզաբանենք։ Նա ասում է, որ կարող է վերջ տալ դրան առաջին իսկ օրը։ Գիտե՞ք՝ ինչ է դա նշանակում։ Խոսքը կապիտուլյացիայի մասին է»,- նշել է Հարիսը։
Թարգմանությունը՝ Էմմա Չոբանյանի
