09.09.2026 | 14:18
ԱԺ տարածքային կառավարման և շրջակա միջավայրի պահպանության հարցերի մշտական հանձնաժողովի նիստը․ ՈՒՂԻՂ
Իսրայելի ռազմաօդային ուժերը մեկ ժամում հարձակվել են Լիբանանի ավելի քան 30 բնակավայրի վրա
Քաղաքականություն
07.10.2024 | 19:12
Երկուշաբթի իսրայելական ուժերը մեկ ժամվա ընթացքում հարվածել են հարավային Լիբանանի 34 քաղաքների, փոխանցում է ՌԻԱ Նովոստին՝ հղում կատերելով Լիբանանի NNA լրատվական գործակալությունը:
Իսրայելական ինքնաթիռները ժամը 12։00-ից 13։00-ն ընկած ժամանակահատվածում հարվածներ են հասցրել 34 բնակավայրերի, այդ թվում՝ Նաբաթիե և Տյուր խոշոր քաղաքներին։ Հարվածներից մեկը ոչնչացրել է Բինտ Ջբեյլ շրջանում գտնվող հրշեջ կայանը, զոհվել է 10 հրշեջ և փրկարար:
Բեյրութի հարավային արվարձանում երկու խոշոր հիվանդանոցները՝ Սուրբ Թերեզան և Ռասուլ ալ-Ազամը, երկուշաբթի գիշերը ռմբակոծությունների պատճառով դուրս են եկել շահագործումից։
Միաժամանակ, լիբանանյան «Հըզբոլլահ»-ի զինյալները զանգվածային հարձակում են իրականացրել իսրայելական Հայֆա քաղաքի հյուսիսում և սահմանային գոտում գտնվող ռազմական կենտրոնացման շրջանների վրա։
Թարգմանությունը՝ Տաթև Ֆռանգյանի
