09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
Պուտինը երկկողմ հանդիպումներ կանցկացնի Փաշինյանի ու Ալիևի հետ
Քաղաքականություն
07.10.2024 | 16:37
ՌԴ նախագահ Վլադիմիր Պուտինն ԱՊՀ պետությունների ղեկավարների խորհրդի նիստից առաջ վաղը՝ հոկտեմբերի 8-ին երկկողմ հանդիպումներ կանցկացնի ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ։ Եռակողմ հանդիպում դեռ նախատեսված չէ։ Ադրբեջանական լրատվամիջոցների փոխանցմամբ՝ այս մասին հայտարարել է Պուտինի օգնական Յուրի Ուշակովը։
Խորհրդի նիստի ընթացքում պետությունների ղեկավարները մտքեր են փոխանակելու ԱՊՀ շրջանակում փոխգործակցության վերաբերյալ և որոշում են կայացնելու 2025 թվականին կազմակերպության նախագահության վերաբերյալ։
Նախատեսվում է նաև քննարկել և ընդունել ուղերձ Հայրենական մեծ պատերազմում խորհրդային ժողովրդի հաղթանակի 80-ամյակի կապակցությամբ՝ ուղղված ԱՊՀ երկրների ժողովուրդներին և միջազգային հանրությանը։ Դիտարկվելու է նաև մասնակից պետությունների միջխորհրդարանական վեհաժողովի գործունեության հարցը։
Թարգմանությունը՝ Էմմա Չոբանյանի
