05.08.2026 | 10:15
Ռոնալդուն ցուցադրել է ավտոմեքենաների հավաքածուն. ԼՈՒՍԱՆԿԱՐՆԵՐ
Ըստ աշխատակցի` հոսանքի տատանումից է բռնկվել հրդեհը. Ցուցուլյան․ ՏԵՍԱՆՅՈՒԹ
Հասարակություն
07.10.2024 | 15:51
Հրդեհի ժամանակ պայթյուն տեղի չի ունեցել, աշխատակիցների ասելով հրդեհն առաջացել է էլեկտրական հոսանքից, այս մասին Իսակովի պողոտայում «Դոմուս» խանութում հրդեհի վայրում լրագրողների հետ զրույցում նշեց ՆԳՆ փրկարար ծառայության պետ Կանո Ցուցուլյանը։
Պաշտոնյայի փոխանցմամբ՝ աշխատակիցն ասել է՝ պահեստային հատվածում հոսանքն անջատվել հետո միացել է, որից հետո հրդեհ է բռնկվել։
«Իրենք փորձել են իրենց միջոցներով հրդեհաշիջում իրականացնել, նոր զանգել են փրկարար ծառայություն։ Տուժածներ չկան, հրդեհի բռնկման որևէ վարկած ես այս պահին չեմ կարող ասել, տեխնիկական և հակահրդեհային անվտանգության տեսչական մարմինը կգա, կսկսի հետաքննություն իրականացնել»,- մանրամասնեց նա։
«Դոմուս» խանութի տարածքում էլեկտրաէներգիայի անջատման վերաբերյալ Factor.am-ը փորձեց պարզաբանում ստանալ «Հայաստանի էլեկտրական ցանցեր» ընկերությունից։ Մամուլի խոսնակը պնդեց, որ այդ ժամանակահատվածում տվյալ տարածքում հոսանքի անջատում տեղի չի ունեցել։
Մանրամասները՝ տեսանյութում։
