30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
ՄԱԿ-ի օգնությամբ առաջին ինքնաթիռը ժամանել է Բեյրութ
Քաղաքականություն
04.10.2024 | 18:20
ՄԱԿ-ից բժշկական պարագաների օգնության խմբաքանակը ժամանել է Լիբանան, որն առաջինն է անցյալ շաբաթ Իսրայելի և «Հըզբոլլահ»-ի միջև հակամարտությունը սրվելուց հետո, հաղորդում է France 24-ը։
«Այս առավոտ Բեյրութում ինքնաթիռ է վայրէջք կատարել՝ տեղափոխելով 30 տոննա վիրաբուժական պարագաներ, ինչը բավական է տասնյակ հազարավոր մարդկանց բուժելու համար»,- X-ի իր միկրոբլոգում գրել է Առողջապահության համաշխարհային կազմակերպության տարածաշրջանային տնօրեն Հանան Բալխին։
Նա հավելել է, որ այսօր և վաղը ավելի շատ ինքնաթիռներ են ժամանելու վնասվածքների, խոլերայի և հոգեկան առողջության համար նախատեսված անհրաժեշտ պարագաներով։
Լիբանանի առողջապահության նախարար Ֆիրաս Աբիադը Բեյրութի օդանավակայանում ստացել է օգնությունը։
«Մենք ստանում ենք առաջին բեռները։ Այն ներառում է տարբեր վնասվածքային հավաքածուներ, որոնք կարևոր նշանակություն կունենան Լիբանանի վրա իսրայելական հարձակումներից տուժածներին օգնություն ցուցաբերող հիվանդանոցներին աջակցելու համար»,- ասել է նա։
Թարգմանությունը՝ Էմմա Չոբանյանի
