24.05.2026 | 21:12
ՃՏՊ Հացիկ-Գյումրի ավտոճանապարհին. փրկարարները մեքենայից դուրս են բերել արգելափակված վարորդին
Դանակահարություն Նուբարաշեն տանող ճանապարհին. 18-ամյա քաղաքացի է ձերբակալվել
Հասարակություն
12.07.2017 | 15:17
Հուլիսի 11-ին՞ ժամը 2.55-ին, հիվանդանոցից ոստիկանության Էրեբունու բաժնում հաղորդում է ստացվել, որ «կրծքավանդակի ձախ կողմնային շրջանի կտրած-ծակած թափանցող վերք» ախտորոշմամբ շտապօգնության խումբը բուժօգնության է տեղափոխել 1987 թ. ծնված Վաչագան Ա.-ին. տեղեկացնում է ՀՀ ոստիկանությունը:
Ըստ բժշկի տեղեկանքի՝ Վաչագան Ա.-ն ի վիճակի չի եղել հաղորդում տալու: Նշանակվել է դատաբժշկական փորձաքննություն:
Ոստիկանության Էրեբունու բաժնի և Նուբարաշենի բաժանմունքի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ հուլիսի 10-ին, ժամը 23.00-ին, Արտաշատի խճուղուց դեպի Նուբարաշեն տանող ճանապարհին 1999 թ. ծնված Հակոբ Հ.-ն վիճաբանության ժամանակ դանակով հարվածել է Վաչագան Ա.-ի կրծքավանդակին՝ պատճառելով նշված վնասվածքը:
Հակոբ Հ.-ն ձերբակալված է:
Կատարվում է քննություն:
