21.11.2024 | 20:59
Թուրքիան հազարավոր հետաքննություններ է սկսել «ապատեղեկատվության մասին օրենքով»՝ 2 տարվա ընթացքում 33 լրագրողների ազատազրկելով
Գործարար, բարերար, «Գրանդ Հոլդինգի» հիմնադիր Հրանտ Վարդանյանի ծննդյան 75-ամյակին նվիրված նամականիշ, առաջին օրվա ծրար և գեղաթերթիկ է թողարկվել
03.10.2024 | 13:51
Վճարովի բովանդակություն
Շրջանառության մեջ է դրվել գործարար, բարերար, «Գրանդ Հոլդինգի» հիմնադիր, Հայաստանի տնտեսության վաստակավոր աշխատող՝ Հրանտ Վարդանյանի ծննդյան 75-ամյակին նվիրված նամականիշը, առաջին օրվա ծրարը և գեղաթերթիկը: Նկարների հեղինակը Հարություն Ավագյանն է, իսկ դիզայներները՝ Վահան Աբրահամյանն ու Դավիթ Դովլաթյանը: Նամականիշի անվանական արժեքը 1 000 դրամ է: Թողարկվել է 100 000 տպաքանակով: Առաջին օրվա ծրարն ու գեղաթերթիկը տպագրվել են 10 000 տպաքանակով:
Ծրարի վրա պատկերված են այն հիմնական ոլորտները, որտեղ Հրանտ Վարդանյանը գործունեություն է ծավալել՝ արդյունաբերություն, գյուղատնտեսություն և բարեգործություն: 90-ական թվականներին, Հրանտ Վարդանյանի ջանքերով, Հայաստանում վերականգնվեց և զարգացավ հայրենական արտադրությունը: Հիմնադրվեց «Գրանդ Հոլդինգը», որը մինչ օրս շարունակում է զբաղեցնել Հայաստանի արտադրության ոլորտի առաջատարի դիրքերը՝ վճարած հարկերի, պատրաստի արտադրանքի արտահանման ծավալների և աշխատատեղերի քանակով:
