18.12.2025 | 23:24
ՀՀ տարածքում ավտոճանապարհները հիմնականում անցանելի են
Իսրայելի բանակի մարդկային կորուստները Լիբանանում ամենամեծն են վերջին ամիսների ընթացքում
Քաղաքականություն
03.10.2024 | 12:07
Իսրայելը հայտարարել է, որ նախօրեին 8 զինվոր է զոհվել հարավային Լիբանանում մարտերի ժամանակ, երկու օր անց գործողության մեկնարկից, որը Թել Ավիվն անվանում է «սահմանափակ» ցամաքային գործողություն՝ նպատակ ունենալով դուրս մղել «Հըզբոլլահ»-ի զինյալներին հյուսիսային սահմանից, գրում է France 24-ը։
«Հըզբոլլահ»-ը հայտարարել է, որ ստիպել է իսրայելական զինվորներին նահանջել, պայթուցիկներով հարձակվել է իսրայելական ստորաբաժանման վրա և հրթիռներով ոչնչացրել երեք տանկ, երբ դրանք առաջ են շարժվել դեպի Մարուն ալ-Ռաս գյուղը:
Լրատվամիջոցն ընդգծում է, որ հրեական Նոր տարվա՝ Ռոշ Հաշանայի նախօրեին հայտարարված իսրայելական զոհերը վերջին ամիսների ընթացքում երկրի զինված ուժերի ամենամեծ կորուստներից են:
Իսրայելի վարչապետ Բենամին Նեթանյահուն ցավակցել է զոհվածների հարազատներին։
«Մենք բարդ պատերազմի մեջ ենք Իրանի չարի առանցքի դեմ, որը ցանկանում է ոչնչացնել մեզ»,- հայտարարել է նա ցավակցական ուղերձում։
Թարգմանությունը՝ Էմմա Չոբանյանի
