03.07.2026 | 23:24
Երևանում ձերբակալվել է մարիխուանայի մաքսանենգության և իրացման մեջ կասկածվող երեք անձ
Հակառակորդը երեկ ուշ երեկոյան կրակել է Բաղանիսի ուղղությամբ, գիշերը հանգիստ է անցել. գյուղապետ
Քաղաքականություն
12.09.2018 | 11:42
Նախօրեին՝ սեպտեմբերի 11-ին՝ ժամը 22:30-ի սահմաններում, ադրբեջանական զինված ուժերը կրակոցներ են արձակել ՀՀ Տավուշի մարզի սահմանամերձ Բաղանիս համայնքի ուղղությամբ:
Համայնքի ղեկավար Նարեկ Սահակյանը Factor.am-ի հետ զրույցում նշեց, որ հակառակորդը կրակել է 5-7 րոպե, մի քանի կարճ կրակահերթ է արձակել: Գիշերը, բարեբախտաբար, հանգիստ է անցել, համայնքում հանգիստ իրավիճակ է նաև հիմա. առավոտյան երեխաները դպրոց են գնացել, մարդիկ իրենց առօրյա գործերին են անցել:
Ադրբեջանական նման սադրանքներին վարժված սահմանամերձ համայնքի ղեկավարը նույնիսկ կատակում է. «Թիկունքային գյուղերի բնակիչների նման չենք: Անհանգստանում ենք, իհարկե, բայց գիտենք՝ ինչպես վարվել այդ ժամանակ»:
Նարեկ Սահակյանը նշեց նաև, որ սեպտեմբերի 2-ից ի վեր արդեն երեք-չորս նման միջադեպ է գրանցվել:
