09.09.2026 | 13:21
«Պերաշկու գործով» ես ինձ տուժող եմ համարում. «Ուժեղ Հայաստան»-ի պատգամավոր․ ՏԵՍԱՆՅՈւԹ
Հայաստանի դեսպանը Եվրաջասթի նախագահին է հանձնել ՀՀ Գլխավոր դատախազության Համագործակցության մեդալը
Քաղաքականություն
01.10.2024 | 15:43
Սեպտեմբերի 30-ին ԵՄ ՀՀ առաքելության ղեկավար դեսպան Տիգրան Բալայանը հանդիպել է Եվրաջասթի նախագահ Լադիսլավ Համրանին։
«Զրուցակիցներն ամփոփեցին անցյալ շաբաթ Եվրաջասթի պատվիրակության Հայաստան կատարած այցելության արդյունքները, ինչպես նաև ՀՀ Գլխավոր դատախազության և այլ իրավապահ մարմինների հետ Եվրաջասթի համագործակցության հարցերը։
Հանդիպմանը դեսպան Բալայանը Եվրաջասթի նախագահին հանձնեց ՀՀ Գլխավոր դատախազության Համագործակցության մեդալը՝ ի գնահատանք Եվրաջասթի և Գլխավոր դատախազության միջև փոխգործակցության հաստատման և ամրապնդման գործում Լադիսլավ Համրանի ունեցած նշանակալի ավանդի։
Նախագահ Համրանը հայտնեց իր խորին երախտագիտությունը ՀՀ գլխավոր դատախազ Աննա Վարդապետյանին և դատախազության գործընկերներին իր գործունեության գնահատականի և համագործակցության օրինակելի բարձր մակարդակի համար»,- ասված է դեսպանության տարածած հաղորդագրության մեջ։
