23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
ՌԴ-ն հարվածել է Խերսոնի շուկային․ զոհեր և վիրավորներ կան
Քաղաքականություն
01.10.2024 | 14:56
Ռուսական զորքերը գնդակոծել են ուկրաինական Խերսոնը, հարձակման է ենթարկվել նաև քաղաքի կենտրոնում գտնվող շուկան։ BBC-ի ռուսական ծառայության փոխանցմամբ՝ այս մասին հայտնում են տեղի իշխանությունները:
«Մանրածախ առևտրի կետերը, որտեղ Խերսոնի բնակիչներն առավոտյան ապրանքներ էին գնում կամ վաճառում, ենթարկվել են հարձակման»,- ասել է շրջանային ռազմական վարչակազմի ղեկավար Ալեքսանդր Պրոկուդինը:
Նախնական տվյալներով՝ զոհվել է հինգ մարդ, ևս երեքը վիրավոր է, ասել է Պրոկուդինը։
Տարածաշրջանի դատախազությունը հայտնում է յոթ քաղաքացիական անձանց մահվան մասին՝ երեք կին և չորս տղամարդ։
«Գնդակոծությունը տեղի է ունեցել տեղի շուկայի և հասարակական տրանսպորտի կանգառի մոտ»,- ասվում է Խերսոնի շրջանային դատախազության հայտարարության մեջ։
Խերսոնի նկատմամբ Ուկրաինան վերահսկողությունը վերականգնել է 2022 թվականի աշնանը։ Այդ ժամանակից ի վեր քաղաքը փաստացի առաջնագծում է․ Դնեպրի մյուս կողմում ռուս զինվորականներն են, և քաղաքն ու շրջանը պարբերաբար գնդակոծվում են։
Թարգմանությունը՝ Տաթև Ֆռանգյանի
