23.06.2026 | 11:06
Խուզարկում են Իշխան Սաղաթելյանի բնակարանը և ավտոմեքենան
Իրաքում ԱՄՆ ռազմաբազան հրթիռային հարձակման է ենթարկվել
Քաղաքականություն
01.10.2024 | 13:20
Իրաքում հրթիռային հարձակման է ենթարկվել ԱՄՆ-ի Victory ռազմաբազան, որը գտնվում է Բաղդադի օդանավակայանի մոտ։ Այս մասին հայտնում է AFP գործակալությունը՝ վկայակոչելով անվտանգության շրջանակների աղբյուրները։ Գործակալության զրուցակիցներից մեկը նշել է, որ երկու հրթիռ խոցվել է բազայի պաշտպանական համակարգի կողմից, իսկ երրորդն ընկել է ահաբեկչության դեմ պայքարի հրամանատարության շտաբի մոտ, փոխանցում է DW-ի ռուսական ծառայությունը։
Մեկ այլ աղբյուր հաստատել է այս տեղեկությունը՝ պարզաբանելով, որ միջադեպի հետևանքով ոչ ոք չի տուժել, իսկ հրթիռները չեն ազդել ավիացիոն երթևեկի վրա։
Ըստ AFP-ի՝ Իրաքում ամերիկյան ուժերի կողմից օգտագործվող բազաների վրա հարձակումներն ավելի հաճախակի են դարձել Մերձավոր Արևելքում հակամարտության սրման նոր փուլի ֆոնին, որը սկսվել է 2023 թվականի հոկտեմբերի 7-ին Իսրայելի վրա պաղեստինյան ՀԱՄԱՍ խմբավորման հարձակումից հետո։
Ներկայում Իրաքում տեղակայված է շուրջ 2500 ամերիկացի զինծառայող, ևս 900 ամերիկացի զինծառայող ծառայում է Սիրիայում:
Թարգմանությունը՝ Տաթև Ֆռանգյանի
