15.03.2026 | 16:59
«Վեոլիա Ջուրը» պատասխանատվության կենթարկվի Հրազդան գետի վրայով անցնող կոյուղատարի ջրթող փականը բացելու համար
Ուժեղ երկրներին ուժեղ դաշնակիցներ են պետք. Վրաստանում ԱՄՆ դեսպանատուն
Քաղաքականություն
30.09.2024 | 17:29
Ճշմարտությունը պարզ է. ուժեղ երկրներին ուժեղ դաշնակիցներ են պետք: Ինչո՞ւ քանդենք այն, ինչ խնամքով կառուցել ենք 32 տարի։ Այս մասին ասվում է Վրաստանում ԱՄՆ դեսպանատան կայքում հրապարակված հայտարարությունում, ոխանցում է Գրուզիա օնլայնը։
Դեսպանությունից, միաժամանակ, հայտնել են, որ հերթական ապատեղեկատվությունն է տարածվել։
«Այս ամառ Միացյալ Նահանգներն անորոշ ժամանակով հետաձգեց «Արժանի գործընկեր» զորավարժությունները՝ «երկրորդ ճակատի» հետ կապված կեղծ մեղադրանքների պատճառով։ Ցավոք, ապատեղեկատվությունը կրկին ջրի երես է դուրս եկել, այդ թվում՝ վերջին մի քանի օրվա ընթացքում առաջատար քաղաքական գործիչների ելույթներում: Ճշմարտությունը պարզ է՝ ուժեղ երկրներին ուժեղ դաշնակիցներ են պետք։ Ինչո՞ւ պետք է քանդենք այն, ինչ խնամքով կառուցել ենք 32 տարի»,- ասվում է ԱՄՆ դեսպանատան հայտարարության մեջ։
Թարգմանությունը՝ Տաթև Ֆռանգյանի
