09.09.2026 | 14:22
ԱԺ առողջապահության հարցերի մշտական հանձնաժողովի նիստը․ ՈՒՂԻՂ
Իսրայելը 18 տարվա մեջ առաջին անգամ հարվածել է Բեյրութի կենտրոնին
Քաղաքականություն
30.09.2024 | 12:54
Իսրայելը երկուշաբթի ակտիվացրել է ռազմական արշավը Մերձավոր Արևելքում՝ 2006 թվականից ի վեր առաջին անգամ հարվածելով Բեյրութի կենտրոնին, գրում է The Independent-ը։
Նշվում է, որ հարձակման հետևանքով Լիբանանի ամբողջ տարածքում իսրայելական ավիահարվածների զոհերի թիվը վերջին երկու շաբաթվա ընթացքում հասել է ավելի քան 1000-ի: Այս մասին հայտնել է Լիբանանի առողջապահության նախարարությունը։ Երկրի արտակարգ իրավիճակների կառավարման գործակալության ղեկավար Նասեր Յասինն էլ հայտնել է, որ այս հանգստյան օրերին ընդամենը մի քանի ժամում Լիբանանում տեղահանվածների թիվը 300,000-ից հասել է գրեթե մեկ միլիոնի:
Հաղորդվում է, որ անօդաչու թռչող սարքի հարձակման հետևանքով զոհվել են նաև Պաղեստինի ազատագրման ժողովրդական ճակատի (PFLP) երեք բարձրաստիճան առաջնորդներ։
Սա տեղի է ունենում այն ֆոնին, երբ ԱՄՆ վարչակազմը զգուշացրել է՝ իրենք մտահոգված են, որ Իրանը, որն աջակցում է լիբանանյան «Հըզբոլլահ»-ին, պատրաստվում է պատասխան հարվածներ հասցնել Իսրայելին:
Պենտագոնը կիրակի երեկոյան տարածած հայտարարության մեջ նշում է, որ «եթե Իրանը, նրա գործընկերները կամ պրոքսիներն այս պահն օգտագործեն տարածաշրջանում ամերիկյան անձնակազմին կամ շահերին թիրախավորելու համար, Միացյալ Նահանգները բոլոր անհրաժեշտ միջոցները կձեռնարկի իր մարդկանց պաշտպանելու համար»:
Թարգմանությունը՝ Էմմա Չոբանյանի
