07.10.2026 | 18:03
ԵՄ դեսպանները համաձայնեցրել են ՌԴ-ի դեմ պատժամիջոցների նոր՝ ռեկորդային ցուցակը
Լիբանանում փեյջերները պայթեցվել են ականապատված մարտկոցների օգնությամբ․ CNN
Քաղաքականություն
27.09.2024 | 15:03
Լիբանանի հետախուզության երկու բարձրաստիճան պաշտոնյաներ անանունության պայմանով CNN-ին ասել են, որ «Հըզբոլլահ»-ի անդամների փեյջերները պայթեցվել են դրանց մարտկոցների մեջ թաքցված պայթուցիկների օգնությամբ:
CNN-ի զրուցակիցներից մեկը հայտարարել է, որ ուսումնասիրել է պայթեցված փեյջերը և նաև վերահսկվող պայթեցման վկա է դարձել։ Նրա խոսքով՝ պայթուցիկը ներկառուցված է եղել փեյջերի լիթիումային մարտկոցի մեջ և գործնականում հնարավոր չի եղել այն հայտնաբերել։ Նա հավելել է, որ մինչ այս երբեք նման բան չէր տեսել։ Հեռուստաալիքի հետ զրուցած լիբանանյան հետախուզության երկու պաշտոնյաներից և ոչ մեկը չի ասել, թե ինչ ստուգումներ են անցել փեյջերները նախքան երկիր ներմուծվելը:
Հիշեցնենք՝ սեպտեմբերի 17-ին Լիբանանում սկսել են պայթել լիբանանյան խմբավորման անդամներին պատկանող փեյջերները: Պայթյունների զոհ է դարձել ավելի քան 30 մարդ, ավելի քան 4 հազար մարդ վիրավորվել է։ Փեյջերների պայթյունից հետո սկսել են պայթել համակարգիչները և այլ էլեկտրոնային սարքեր: Հըզբոլլահը պայթյունների համար մեղադրել է Իսրայելին, Իսրայելը հերքել է այդ մեղադրանքները։
Թարգմանությունը՝ Տաթև Ֆռանգյանի
