26.06.2026 | 19:17
ԴՕԿ-ը Դանիել Իոաննիսյանին վկայի կարգավիճակով ՍԴ հրավիրելու միջնորդություն ներկայացրեց
Պատրաստ ենք Հայաստանին և Ադրբեջանին տարածաշրջանային համագործակցության ձևաչափ տրամադրել․ Վրաստանի վարչապետ
Քաղաքականություն
26.09.2024 | 12:21
Սեփական փորձից հասկանալով, թե որքան կարևոր է խաղաղությունը, մենք ողջունում ենք ջանքերը, որոնք ուղղված են Հարավային Կովկասի տարածաշրջանը հակամարտության տարածաշրջանից հնարավորությունների տարածաշրջանի վերածելուն: Այս մասին հայտարարել է Վրաստանի վարչապետ Իրակլի Կոբախիձեն ՄԱԿ-ի Գլխավոր վեհաժողովի նստաշրջանում ունեցած ելույթում անդրադառնալով Հայաստանի և Ադրբեջանի միջև խաղաղության գործընթացին։
«Մենք ողջունում ենք Հայաստանի և Ադրբեջանի միջև խաղաղության կարգավորման գործընթացը, մասնավորապես, հարևան երկրների միջև հարաբերությունների կարգավորմանն ուղղված ջանքերը։ Մենք միշտ պատրաստ ենք եղել և այսօր էլ պատրաստ ենք ապահովելու տարածաշրջանային համագործակցության ձևաչափ, որը կնպաստի երկրների միջև համագործակցությանը և վստահությանը՝ հետևում թողնելով տարաձայնությունները և օգտագործելով բոլոր ռեսուրսներն ու առավելությունները, որոնք կարող է առաջարկել մեր տարածաշրջանն աշխարհին»,- ասել է Վրաստանի վարչապետը։
Թարգմանությունը՝ Էմմա Չոբանյանի
